Pumalo pa sa 28 ang kalamangan ng Gilas nang matagumpay na naipasok ni CJ Perez ang kanyang dunk sa huling 3:49 ng final frame.
Image source:sports.inquirer.net
Naging dikit naman ang laban sa unang yugto ng laro na pumabor sa Gilas sa score na 18-15.
Pero pagdating ng ikalawang yugto ay hindi na nagpakita ng awa ang Pilipinas sa ginawa nitong 14-2 run.
Hindi na pinakawalan ng Gilas ang kalamangan nito hanggang sa matapos ang first half sa 37-28.
Nanguna sa puntos si Thirdy Ravena sa kanyang 23 points at 8 rebounds, habang nagtala naman ng 16 points na si RR Pogoy.
Nag-ambag naman ang kuya ni Thirdy na si Kiefer Ravena na 10 points.
